Молитвы

Якоже звезда многосветлая, ты, возшед, блаженне, на столп,/ мир просветил еси преподобными делы твоими/ и тьму прелести отгнал еси, отче./ Темже молим тя:/ и ныне облистай в сердцах раб твоих незаходящий свет разума.

Кондак 1 Избранней от всех родов Божией Матери и Царице, Благодатным Небом нами именуемой, телу нашему и душам спасение подающей, благодарственное приносим пение, Богородительнице. Ты же, яко имущая милосердие неизреченное, от всяких нас бед и грехов свободи, да зовем Ти: Радуйся, Благодатное Небо, радость и спасение нам дарующая. Икос 1 Ангели и праведных души удивишася, егда предстала еси пред Сыном Твоим и Богом и многим молением ходатайствовала о людех, во гресех пребывающих. Мы же, очима веры толикое Твое благоутробие зряще, со умилением взываем Тебе сице: Радуйся, молитвы всех христиан приемлющая; радуйся, и самых отчаянных грешников моления не отвергающая. Радуйся, к Сыну Твоему о них предстательствующая; радуйся, нечаянную радость спасения им подающая. Радуйся, предстательством Твоим весь мир спасающая; радуйся, вся наша печали утоляющая. Радуйся, житие наше добре устрояющая; радуйся, избавление от грехов всем человеком принесшая. Радуйся, Радость всему миру родившая; радуйся, еже како ни единаго же научившая. Радуйся, Благодатное Небо, радость и спасение нам дарующая. Кондак 2 Видящи Пречистая люди грешныя, с верою и упованием пред честною Ея иконою долу повергающихся и слезно молящихся о гресех своих, внят молению их, да вси, зряще Матернее Ея милосердие, на небеси и на земли вопиют Богу: Аллилуиа. Икос 2 Разум человеческий воистину превосходит любовь Твоя к роду христианскому, о немже молишися Сыну Твоему и Богу, мы же, зряще Тя, неотступную Предстательницу за нас грешных, со слезами вопием Ти: Радуйся, Заступнице усердная рода христианскаго, от Бога нам дарованная; радуйся, Путеводительнице наша, к небесному отечеству нас возводящая. Радуйся, верных ограждение и прибежище; радуйся, помоще призывающих имя Твое святое. Радуйся, презренных и отверженных от рова погибели исхищающая; радуйся, тех на путь правый обращающая. Радуйся, непрестанное уныние и мрак душевный отгоняющая; радуйся, оставленных врачми на Свои всемощнеи руце приемлющая. Радуйся, Благодатное Небо, радость и спасение нам дарующая. Кондак 3 Сила благодати преизобилова тамо, идеже умножися грех, да радуются на небеси вси ангели о грешницех кающихся, поюще пред престолом Божиим: Аллилуиа. Икос 3 Имущи к роду христианскому Матернее милосердие, всем, с верою и упованием прибегающим к Тебе, подаеши руку помощи, Владычице, да вси единым сердцем и единеми усты славословие Тебе приносят сицевое: Радуйся, яко Тобою к нам нисходит Божие благоволение; радуйся, яко во всех бедах и обстояниих наших приносиши Сыну Твоему усердныя о нас молитвы. Радуйся, яко наша молитвы приятными Богу соделоваеши; радуйся, яко от видимых врагов нас избавляеши. Радуйся, яко сердца злых человек умягчаеши; радуйся, яко от клеветы, досаждения и укорения нас изъимаеши. Радуйся, яко Тобою вся благая желания наша исполняются; радуйся, яко много может молитва Твоя пред Сыном Твоим и Богом. Радуйся, Благодатное Небо, радость и спасение нам дарующая. Кондак 4 Пред честною иконою Твоею, Царице Небесная, склоняем колена душ и телес наших и со умилением дерзновенно молимся Ти: спаси нас, о, Мати милосердия, да не погибнем до конца во гресех наших; Ты бо еси всем грешником едина надежда и прибежище: преклонися убо на милость, благая Мати, и умоли о нас Сына Твоего и Творца нашего, да непрестанно зовем Ему: Аллилуиа. Икос 4 Слышавше небожителие, яко молитвами Твоими пред Сыном Твоим прощение грехов и спасение на земли сущим грешником даруются, прославляют Тя, благосердную Царицу небесе и земли. И мы, грешнии, уведевше таковое Твое заступление о нас, грешных, недоумеваем, како благохвалити Тя возможем по достоянию, и от глубины сердца нашего умиленно воспеваем Ти сице: Радуйся, Споручнице спасения грешных; радуйся, Взыскание погибших. Радуйся, нечаянная грешных Радосте; радуйся, падших востание. Радуйся, Предстательнице к Богу, мир от бед спасающая; радуйся, яко гласа молитв Твоих беси трепещут. Радуйся, яко ангели сему радуются; радуйся, яко и нас, земнородных, сила молитв Твоих веселия исполняет. Радуйся, яко теми от тины грехов нас изъимаеши; радуйся, яко пламень страстей наших угашаеши. Радуйся, Благодатное Небо, радость и спасение нам дарующая. Кондак 5 Боготечную звезду чудотворную икону Матере Твоея показал еси нам, Господи, ибо, взирающе на образ Ея телесныма очима, умом и сердцем к Первообразней возвышаемся, и Ею к Тебе востекаем, поюще: Аллилуиа. Икос 5 Видевше ангели, хранителие христиан, яко Божия Матерь споспешествует им в наставлении тех, заступлении и спасении, потщашася сице возопити Честнейшей Херувим и Славнейшей без сравнения Серафим: Радуйся, с Сыном Твоим и Богом вечно царствующая; радуйся, Ему всегда о роде христианском моления приносящая. Радуйся, в христианстей вере и благочестии Наставнице; радуйся, уповающим на Тя непостыдный конец жизни дарующая. Радуйся, Матерним Твоим предстательством от вечнаго мучения нас избавляющая; радуйся, ходатайством к Сыну Твоему жизни вечныя сподобляющая. Радуйся, Благодатное Небо, радость и спасение нам дарующая. Кондак 6 Дивная дела милосердия Твоего, людем явленная, предаде писмени святитель Димитрий Ростовский в научение и утешение всем верным, да и тии, во гресех, бедах, скорбех и озлоблении суще, на всяк день пред честным Твоим образом, Благодатное Небо именуемым, колена преклоняют и, избывше бед, печалей и напастей, вопиют Богу: Аллилуиа. Икос 6 Возсия нам, яко пресветлая заря, чудотворная икона Твоя, Богомати, прогоняющи тьму бед и скорбей от всех с любовию вопиющих Ти сице: Радуйся, Целительнице наша в болезнех телесных; радуйся, благая Утешительнице в печалех наших душевных. Радуйся, скорбь нашу в радость претворяющая; радуйся, ненадеющихся несумненною надеждою возвеселяющая. Радуйся, алчущих Питательнице; радуйся, нагих одеяние. Радуйся, вдов Утешительнице; радуйся, безматерних сирот незримая Воспитательнице. Радуйся, Благодатное Небо, радость и спасение нам дарующая. Кондак 7 Хотя Законодавец правосудный Господь Сам быти закона исполнитель и явити милосердия Своего бездну, преклонися на усердное моление Твое, Преблагословенная Мати Дево, о людех во гресех пребывающих и милостей Божиих чающих, глаголя: Закон повелевает, да сын чтит матерь. Аз Сын Твой, Ты же Мати Моя, Аз Тя должен чтити, послушая Твоего моления, буди убо, яко же хощеши. О нихже молишися — прощаются им греси Тебе ради. Мы же, видяще таковую силу молитвы Ходатаицы нашея о прощении согрешений наших, прославим милосердие и неизреченное благоутробие Ея, зовуще: Аллилуиа. Икос 7 Новое дивное и славное знамение всем верным явися, яко не токмо Матери Твоея, но и пречистому Ея лику, на дске изображенному, силу чудотворения даровал еси, Господи; сему таинству дивящеся, во умилении сердца вопием к Ней таковая: Радуйся, премудрости и благости Божия откровение; радуйся, веры утверждение. Радуйся, благодати явление; радуйся, душеполезных знаний дарование. Радуйся, слово премудрости просящим дарующая; радуйся, несмысленных разумными соделовающая. Радуйся, Благодатное Небо, радость и спасение нам дарующая. Кондак 8 Видяще славная дела и многразличную премудрость Божию в мире и жизни нашей, предстательством Твоим пред Богом над нами совершающаяся, о, Небо благодатное, Пречистая Владычице, устранимся земныя суеты и излишних житейских попечений, и ум и сердце наше на небеса возведем, поюще Богу: Аллилуиа. Икос 8 Вся в вышних пребываеши, и нижних никакоже отступила еси, премилосердная Царице небесе и земли. Аще бо по успении Твоем и взошла еси на небеса с пречистою Твоею плотию, обаче и грешныя земли не оставила еси, являющися причастница промышления Сына Твоего о роде христианском, сего ради Тя по долгу ублажаем: Радуйся, сиянием пречистыя души Твоея всю землю просветившая; радуйся, чистотою телесе Твоего вся небеса возвеселившая. Радуйся, о всем мире усердная Предстательнице; радуйся, всех нас при Кресте Сына Твоего усыновившая. Радуйся, всегда Матернюю любовь к нам являющая; радуйся, в скорбех утешающая. Радуйся, всех даров духовных и телесных независтная подательнице; радуйся, благ временных и вечных Ходатаице. Радуйся, двери царствия Христова верным отверзающая; радуйся, и на земли чистаго веселия сердца наша исполняющая. Радуйся, Благодатное Небо, радость и спасение нам дарующая. Кондак 9 Все естество ангельское удивися делу Твоего милосердия, Господи, яко толико твердую и теплую Заступницу и Помощницу роду христианскому даровал еси, нам невидимо спребывающу, слышащу же Тебе поющих: Аллилуиа. Икос 9 Витийство человеческое не возможет по достоянию благохвалити Тя, Пресвятая Богородице, и воспети неисчетная чудеса Твоя, от иконы Твоея являемая, имиже православныя люди от бед, напастей и всякаго зла сохраняеши. Мы же, добре ведуще о многих чудотворных явлениих Твоего честнаго лика бывших и поклонением ему потребная ко временней и вечней жизни приемлюще, с веселием Богородице взываем: Радуйся, яко от священнаго лика Твоего чудеса деются; радуйся, яко утаися премудрость и благодать сия от мудрых и разумных века сего. Радуйся, яко открыся та младенцем в вере; радуйся, яко прославляющих Тя прославляеши. Радуйся, яко отвергающих Тя пред всеми посрамляеши; радуйся, яко от всякаго зла прибегающих к Тебе избавляеши. Радуйся, яко вся болезни человеческия душевныя и телесныя милостивно врачуеши; радуйся, яко праведный гнев Божий на нас Твоим молением скоро утоляеши. Радуйся, яко Ты еси тихое пристанище всем с верою к Тебе притекающим; радуйся, кораблю хотящих спастися. Радуйся, Благодатное Небо, радость и спасение нам дарующая. Кондак 10 Спасти хотяще души своя от вечныя смерти, мы, недостойная чада Твоя, преклоньше колена своя пред пречистым Твоим образом, молим Тя, Небесная Царице и милосердная Мати спасения нашего: сотвори нас причастники вечнаго блаженства в Небесном Царствии Сына Твоего, поющих Спасителю Богу: Аллилуиа. Икос 10 Стена необоримая и пристанище небурное Ты еси, Богородице Дево, всем к Тебе притекающим, темже и нас огради и покрый от всех враг видимых и невидимых, да с верою и умилением поклоняющеся пречестней и цельбоносней иконе Твоей, радостно вопием Ти: Радуйся, сохраняти и спасати всех призывающих Тя обещавшая; радуйся, к Сыну Твоему и Богу молитвы верных приносящая. Радуйся, и Сама непрестанно у престола Его молящаяся о нас; радуйся, благодать Твоим иконам даровавшая. Радуйся, всю вселенную лучами тех озаряющая; радуйся, рода христианскаго похвало и непостыдное упование. Радуйся, Благодатное Небо, радость и спасение нам дарующая. Кондак 11 Пение всеумиленное приносяще Ти, недостоинии, просим Тебе, Дево Богородице: не презри гласа рабов Твоих, к Тебе бо в напастех и скорбех прибегаем и пред Тобою в бедах наших слезы проливаем, поюще: Аллилуиа. Икос 11 Светозарная свеща сущим во тьме греха и юдоли плача явися предивная икона Твоя, Пречистая Владычице: всем бо притекающим к ней струи исцелений изливает и чудес зарями сердца верных веселит, подвизающи взывати сице: Радуйся, Божественный Свет неизреченно родившая; радуйся, тьму смертную рождеством Твоим просветившая. Радуйся, страны нашея неусыпная Покровительнице; радуйся, верных пастырей Церкве ободряющая и вразумляющая. Радуйся, людей православных Хранительнице; радуйся, богобоязненных иноков и инокинь присное Утешение. Радуйся, кающихся пред Богом грешников непостыдная Заступнице; радуйся, радости небесныя всем нам Подательнице. Радуйся, всех христиан теплая Ходатаице; радуйся, о людех Твоих присная Молитвеннице. Радуйся, Благодатное Небо, радость и спасение нам дарующая. Кондак 12 Благодать божественную испроси нам у Сына Твоего и Бога, простри нам руку помощи, отжени от нас всякаго врага и супостата, умири нашу жизнь, да не погибнем люте без покаяния, но приими нас в вечныя кровы, Богородительнице, да радующеся поем Богу, Тобою нас спасающему: Аллилуиа. Икос 12 Поюще дивная Твоя чудеса, умильно припадаем пред пречистым образом Твоим и, благоговейно лобызающе его, немолчными песньми воспеваем Тя, предивная Царице небесе и земли, и просим Тя, Владычице, услыши наше моление в час сей и благодать Сына Твоего нам низпосли, с любовию вопиющим Тебе: Радуйся, милостей Сына Твоего и Бога нас сподобляющая; радуйся, десную часть молитвами Твоими нам грешным уготовляющая. Радуйся, изнемогающих от уныния и печали скорая Утешительнице; радуйся, грешником кающимся спасение подающая. Радуйся, и нераскаянных грешников к покаянию обращающая; радуйся, всех Помоще, скорбным вдовицам и сирым помогающая. Радуйся, алчущих и жаждущих правды к Богу приводящая; радуйся, рода христианскаго Заступнице усердная. Радуйся, Церкве Православныя нерушимая Стено и Небо благодатное; радуйся, страны нашея Покрове и Защищение. Радуйся, Благодатное Небо, радость и спасение нам дарующая. Кондак 13 О, всепетая Мати, невместимаго Бога во чреве вместившая и Радость всему миру родившая! Нынешнее приемши пение, вся наша печали на радость преложи, от всякия избави напасти всех и будущия изми муки о Тебе вопиющих: Аллилуиа.[Се́й конда́к глаго́лется три́жды.][Далее повторяем 1‑е икос и кондак:]Икос 1 Ангели и праведных души удивишася, егда предстала еси пред Сыном Твоим и Богом и многим молением ходатайствовала о людех, во гресех пребывающих. Мы же, очима веры толикое Твое благоутробие зряще, со умилением взываем Тебе сице: Радуйся, молитвы всех христиан приемлющая; радуйся, и самых отчаянных грешников моления не отвергающая. Радуйся, к Сыну Твоему о них предстательствующая; радуйся, нечаянную радость спасения им подающая. Радуйся, предстательством Твоим весь мир спасающая; радуйся, вся наша печали утоляющая. Радуйся, житие наше добре устрояющая; радуйся, избавление от грехов всем человеком принесшая. Радуйся, Радость всему миру родившая; радуйся, еже како ни единаго же научившая. Радуйся, Благодатное Небо, радость и спасение нам дарующая. Кондак 1 Избранней от всех родов Божией Матери и Царице, Благодатным Небом нами именуемой, телу нашему и душам спасение подающей, благодарственное приносим пение, Богородительнице. Ты же, яко имущая милосердие неизреченное, от всяких нас бед и грехов свободи, да зовем Ти: Радуйся, Благодатное Небо, радость и спасение нам дарующая. Молитва Что Тя наречем, о, Благодатная Богомати Богоотроковице, Пренепорочная Марие? Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова, рожденнаго съискони от Безначальнаго Отца без матери и воплощеннаго в Твоей утробе и с нетленною печатию девства Твоего родившагося. О, чудо всех древних и новых чудес! Непреложное слово Самаго Бога о победоноснем семени жены исполнися и совершися в Безмужней Деве. О, неизмеримая глубина премудрости и величия Божия! Киими имены наречем Тя, о, Невеста Неневестная? Зарею ли наречем Тя восходящаго на небе солнца? Но Ты – самое Небо, из Тебе бо возсия Солнце Правды – Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий и отгоняющий смердение греха и зловоние прародительскаго тления. Наречем ли Тя юною Непорочною Девою, не познавшей брака? Но Ты и до старости пребыла Неискусобрачною и девственною до рождения, и в рождении, и по рождении Сына пребыла еси. Наименуем ли Тя Чистою и Святою Мариею, превозшедшею Своею чистотою всех матерей и праматерей? Но Ты не токмо родила Того Младенца Христа, но и носила Его при Своих персех и питала Твоим матеродевственным млеком, Того, Иже питает всякое создание, Емуже со страхом и трепетом предстоят Небесные силы и Его же хвалит всякое дыхание и тварь. О, воистину Ты дивная еси в женах, чудная в девах, неподражаемая в матерех! К Тебе пред Твоим Божественным ликом припадаем и пред Твоими святыми стопами повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже весть судьбами управит наш путь ко спасению и наследию Царствия Его, не имущаго конца во веки веков. Аминь.

Хор братии Валаамского монастыря :13 Хор Троице-Сергиевой Лавры Монастырский распев Кондак 1 Возбра́нный Воево́до и Го́споди, а́да победи́телю, я́ко изба́влься от ве́чныя сме́рти, похва́льная воспису́ю Ти, созда́ние и раб Твой; но, я́ко име́яй милосе́рдие неизрече́нное, от вся́ких мя бед свободи́, зову́ща: Иису́се, Сы́не Бо́жий, поми́луй мя. Сошествие Христа во ад (Мф.), (1Пет.-19). Высший Воевода и Господь, ада победитель! Избавившись от вечной смерти, хвалебные песни посвящаю Тебе я, создание и раб Твой. Ты же, имея милосердие неизъяснимое, от всяких бед освободи меня, взывающего: «Иисусе, Сын Божий, помилуй меня». Икос 1 А́нгелов Тво́рче и Го́споди сил, отве́рзи ми недоуме́нный ум и язы́к на похвалу́ пречи́стаго Твоего́ и́мене, я́коже глухо́му и гугни́вому дре́вле слух и язы́к отве́рзл еси́, и, глаго́лаше зовы́й такова́я: Иису́се пречу́дный, а́нгелов удивле́ние; Иису́се преси́льный, прароди́телей избавле́ние. Иису́се пресла́дкий, патриа́рхов велича́ние; Иису́се пресла́вный, ве́рных укрепле́ние. Иису́се прелюби́мый, проро́ков исполне́ние; Иису́се преди́вный, му́чеников кре́посте. Иису́се прети́хий, мона́хов ра́досте; Иису́се преми́лостивый, пресви́теров сла́досте. Иису́се премилосе́рдый, по́стников воздержа́ние; Иису́се пресла́достный, преподо́бных ра́дование. Иису́се пречестны́й, де́вственных целому́дрие; Иису́се предве́чный, гре́шников спасе́ние. Иису́се, Сы́не Бо́жий, поми́луй мя. Исцеление глухого косноязычного (Мк.-37). Ангелов Творец и Господь небесных Сил! Направь мой немощный ум и язык на хвалу пречистого Твоего имени, как некогда глухому и косноязычному Ты слух открыл и язык развязал, и говорил он, так возглашая: Иисусе пречудный, Ангелов удивление; Иисусе пресильный, прародителей избавление. Иисусе пресладкий, патриархов величание; Иисусе преславный, верных укрепление. Иисусе прелюбимый, пророков исполнение; Иисусе предивный, мучеников крепость. Иисусе претихий, монахов радость; Иисусе премилостивый, пресвитеров услада. Иисусе премилосердный, постников воздержание; Иисусе пресладостный, преподобных веселие. Иисусе всечестной, девственных целомудрие; Иисусе предвечный, грешников спасение. Иисусе, Сын Божий, помилуй меня. Кондак 2 Ви́дя вдови́цу зе́льне пла́чущу, Го́споди, я́коже бо тогда́ умилосе́рдився, сы́на ея́ на погребе́ние несо́ма воскреси́л еси́; си́це и о мне умилосе́рдися, Человеколю́бче, и грехми́ умерщвле́нную мою́ ду́шу воскреси́, зову́щую: Аллилу́иа. Воскрешение сына наинской вдовы (Лк.-16). Как видя вдовицу, горько плакавшую, Господи, Ты, умилосердившись, сына ее, на погребение несомого, воскресил; так и надо мною умилосердись, Человеколюбец, и грехами умерщвленную душу мою воскреси, взывающую: Аллилуия! Икос 2 Ра́зум неуразуме́нный разуме́ти Фили́пп ища́, Го́споди, покажи́ нам Отца́, глаго́лаше; Ты же к нему́: толи́кое вре́мя сый со Мно́ю, не позна́л ли еси́, я́ко Оте́ц во Мне, и Аз во Отце́ есмь? Те́мже, Неизсле́дованне, со стра́хом зову́ Ти: Иису́се, Бо́же предве́чный; Иису́се, Царю́ преси́льный. Иису́се, Влады́ко долготерпели́вый; Иису́се, Спа́се преми́лостивый. Иису́се, храни́телю мой преблаги́й; Иису́се, очи́сти грехи́ моя́. Иису́се, отыми́ беззако́ния моя́; Иису́се, отпусти́ непра́вды моя́. Иису́се, наде́ждо моя́, не оста́ви мене́; Иису́се, помо́щниче мой, не отри́ни мене́. Иису́се, Созда́телю мой, не забу́ди мене́; Иису́се, Па́стырю мой, не погуби́ мене́. Иису́се, Сы́не Бо́жий, поми́луй мя. Ответ Спасителя апостолу Филиппу (Ин.14:8-11). Ища познать недоступное познанию, Филипп сказал: «Господи, покажи нам Отца». Ты же ему: «Столько времени пребывая со Мною, неужели не познал ты, что Отец во Мне и Я в Отце?» Потому, Непостижимый, я со страхом взываю к Тебе: Иисусе, Бог предвечный; Иисусе, Царь пресильный. Иисусе, Владыка долготерпеливый; Иисусе, Спаситель премилостивый. Иисусе, Хранитель мой преблагой; Иисусе, очисти грехи мои. Иисусе, изгладь беззакония мои; Иисусе, отпусти неправды мои. Иисусе, надежда моя, не оставь меня; Иисусе, помощник мой, не отринь меня. Иисусе, создатель мой, не забудь меня; Иисусе, пастырь мой, не погуби меня. Иисусе, Сын Божий, помилуй меня. Кондак 3 Си́лою свы́ше апо́столы облеки́й, Иису́се, во Иерусали́ме седя́щия, облецы́ и мене́, обнаже́ннаго от вся́каго благотворе́ния, теплото́ю Ду́ха Свята́го Твоего́ и даждь ми с любо́вию пе́ти Тебе́: Аллилу́иа. Сошествие Святого Духа на апостолов (Деян.2:1-18). Силою свыше облекший Апостолов, в Иерусалиме пребывавших, Иисусе, облеки и меня, нагого добрыми делами, теплотою Духа Твоего Святого и дай мне с любовью петь Тебе: Аллилуия! Икос 3 Име́яй бога́тство милосе́рдия, мытари́ и гре́шники, и неве́рныя призва́л еси́, Иису́се; не пре́зри и мене́ ны́не, подо́бнаго им, но, я́ко многоце́нное ми́ро, приими́ песнь сию́: Иису́се, си́ло непобеди́мая; Иису́се, ми́лосте безконе́чная. Иису́се, красото́ пресве́тлая; Иису́се, любы́ неизрече́нная. Иису́се, Сы́не Бо́га Жива́го; Иису́се, поми́луй мя гре́шнаго. Иису́се, услы́ши мя в беззако́ниих зача́таго; Иису́се, очи́сти мя во гресе́х рожде́ннаго. Иису́се, научи́ мя непотре́бнаго; Иису́се, освети́ мя те́мнаго. Иису́се, очи́сти мя скве́рнаго; Иису́се, возведи́ мя блу́днаго. Иису́се, Сы́не Бо́жий, поми́луй мя. Христос в доме мытаря Левия Матфея (Лк.-32). Богатый милосердием, мытарей, и грешников, и неверных призвал Ты, Иисусе; не презри ныне и меня, подобного им, но, как многоценное миро, прими эту песнь: Иисусе, сила непобедимая; Иисусе, милость бесконечная. Иисусе, красота пресветлая; Иисусе, любовь неизреченная. Иисусе, Сын Бога живого; Иисусе, помилуй меня, грешного. Иисусе, услышь меня, в беззакониях зачатого; Иисусе, очисти меня, во грехах рожденного. Иисусе, научи меня, непотребного; Иисусе, освети меня, темного. Иисусе, очисти меня, скверного; Иисусе, возврати меня, заблудшего. Иисусе, Сын Божий, помилуй меня. Кондак 4 Бу́рю внутрь име́яй помышле́ний сумни́тельных, Петр утопа́ше; узре́в же во пло́ти Тя су́ща, Иису́се, и по вода́м ходя́ща, позна́ Тя Бо́га и́стиннаго и, ру́ку спасе́ния получи́в, рече́: Аллилу́иа. Хожде́ние Иисуса Христа по вода́м (Мф.-33). С бурей сомнений в сердце, Петр утопал; но увидев Тебя, Иисусе, во плоти и по водам ходящим, познал в Тебе Бога истинного и, руку спасения получив, воскликнул: Аллилуия! Икос 4 Слы́ша слепы́й мимоходя́ща Тя, Го́споди, путе́м вопия́ше: Иису́се, Сы́не Дави́дов, поми́луй мя! И, призва́в, отве́рзл еси́ о́чи его́. Просвети́ у́бо ми́лостию Твое́ю о́чи мы́сленныя се́рдца и мене́, вопию́ща Ти и глаго́люща: Иису́се, вы́шних Созда́телю; Иису́се, ни́жних Искупи́телю. Иису́се, преиспо́дних потреби́телю; Иису́се, всея́ тва́ри украси́телю. Иису́се, души́ моея́ уте́шителю; Иису́се, ума́ моего́ просвети́телю. Иису́се, се́рдца моего́ весе́лие; Иису́се, те́ла моего́ здра́вие. Иису́се, Спа́се мой, спаси́ мя; Иису́се, све́те мой, просвети́ мя. Иису́се, му́ки вся́кия изба́ви мя; Иису́се, спаси́ мя, недосто́йнаго. Иису́се, Сы́не Бо́жий, поми́луй мя. Иисус Христос исцеляет слепого близ Иерихона (Лк.-43). Услышав слепой, что Ты, Господи, мимо по дороге проходишь, взывал: «Иисусе, Сыне Давидов, помилуй меня!» И призвав его, Ты открыл очи ему. Просвети же милостью Твоею духовные очи сердца и мне, взывающему к Тебе и говорящему: Иисусе, горних Сил создатель; Иисусе, земных искупитель. Иисусе, преисподней разрушитель; Иисусе, всего творения устроитель. Иисусе, души моей утешитель; Иисусе, ума моего просветитель. Иисусе, сердца моего веселие; Иисусе, тела моего здравие. Иисусе, Спаситель мой, спаси меня; Иисусе, свет мой, просвети меня. Иисусе, от муки всякой избавь меня; Иисусе, спаси меня, недостойного. Иисусе, Сын Божий, помилуй меня. Кондак 5 Богото́чною Кро́вию я́коже искупи́л еси́ нас дре́вле от зако́нныя кля́твы, Иису́се, си́це изми́ нас от се́ти, е́юже змий запя́т ны страстьми́ плотски́ми, и блу́дным наважде́нием, и злым уны́нием, вопию́щия Ти: Аллилу́иа. Христос искупает человечество ценой Своей Крови (1Петр.-20), (Гал.), (Откр.5:9). Как некогда пролитою божественною кровью искупил Ты нас от проклятия закона, Иисусе, так и ныне освободи нас из сети, в которой змий запутал нас страстями плотскими, и блудным соблазном, и злым унынием, возглашающих Тебе: Аллилуия! Икос 5 Ви́девше о́троцы евре́йстии во о́бразе челове́честем Созда́вшаго руко́ю челове́ка, и Влады́ку разуме́вше Его́, потща́шася ве́твьми угоди́ти Ему́, оса́нна вопию́ще. Мы же песнь прино́сим Ти, глаго́люще: Иису́се, Бо́же и́стинный; Иису́се, Сы́не Дави́дов. Иису́се, Царю́ пресла́вный; Иису́се, А́гнче непоро́чный. Иису́се, Па́стырю преди́вный; Иису́се, храни́телю во мла́дости мое́й. Иису́се, корми́телю во ю́ности мое́й; Иису́се, похвало́ в ста́рости мое́й. Иису́се, наде́ждо в сме́рти мое́й; Иису́се, животе́ по сме́рти мое́й. Иису́се, утеше́ние мое́ на суде́ Твое́м; Иису́се, жела́ние мое́, не посрами́ мене́ тогда́. Иису́се, Сы́не Бо́жий, поми́луй мя. Вход Господень в Иерусалим (Мф.21:8-9), (Мк.11:8-10), (Ин.-13), (Лк.-40). Дети еврейские, увидев в образе человеческом Создавшего Своей рукою человека и Владыку в Нем уразумев, поспешили с ветвями приветствовать Его, «Осанна!» возглашая. Мы же песнь приносим Тебе, говоря: Иисусе, Бог истинный; Иисусе, Сын Давидов. Иисусе, Царь преславный; Иисусе, Агнец непорочный. Иисусе, Пастырь предивный; Иисусе, хранитель в детстве моем. Иисусе, наставник в юности моей; Иисусе, слава в старости моей. Иисусе, надежда при кончине моей; Иисусе, жизнь после смерти моей. Иисусе, утешение мое на суде Твоем; Иисусе, желание мое, не посрами меня тогда. Иисусе, Сын Божий, помилуй меня. Кондак 6 Пропове́дник богоно́сных веща́ние и глаго́лы исполня́я, Иису́се, на земли́ я́влься и с челове́ки Невмести́мый пожи́л еси́, и боле́зни на́ша подъя́л еси́, отню́дуже ра́нами Твои́ми мы исцеле́вше, пе́ти навыко́хом: Аллилу́иа. См. (1Кор.15:3), (1Пет.). Проповедников боговдохновенных проповедь и изречения исполняя, Иисусе, Ты, Беспредельный, на земле явился и жил с людьми, и страдания наши взял на Себя. Потому, ранами Твоими исцелившись, мы научились петь: Аллилуия! Икос 6 Возсия́ вселе́нней просвеще́ние и́стины Твоея́, и отгна́ся лесть бесо́вская: и́доли бо, Спа́се наш, не терпя́ще Твоея́ кре́пости, падо́ша. Мы же, спасе́ние получи́вше, вопие́м Ти: Иису́се, и́стино, лесть отгоня́щая; Иису́се, све́те, превы́шший всех све́тлостей. Иису́се, Царю́, премога́яй всех кре́пости; Иису́се, Бо́же, пребыва́яй в ми́лости. Иису́се, Хле́бе Живо́тный, насы́ти мя а́лчущаго; Иису́се, исто́чниче ра́зума, напо́й мя жа́ждущаго. Иису́се, оде́ждо весе́лия, оде́й мя тле́ннаго; Иису́се, покро́ве ра́дости, покры́й мя недосто́йнаго. Иису́се, пода́телю прося́щим, даждь мне плач за грехи́ моя́; Иису́се, обре́тение и́щущим, обря́щи ду́шу мою́. Иису́се, отверзи́телю толку́щим, отве́рзи се́рдце мое́ окая́нное; Иису́се, Искупи́телю гре́шных, очи́сти беззако́ния моя́. Иису́се, Сы́не Бо́жий, поми́луй мя. См. (Иез.), (Тов.14:6), (Прем.), (Ис.), (Ис.), (Ис.31:7), (Зах.13:2). Воссияло вселенной просвещение истины Твоей, и рассеялась ложь бесовская; ибо идолы, Спаситель наш, не вынеся силы Твоей, пали. Мы же, спасение получив, возглашаем Тебе: Иисусе, истина, обман отгоняющая; Иисусе, свет, высший всякой светлости. Иисусе, Царь, превозмогающий всех крепостью; Иисусе, Бог, исполненный милости. Иисусе, хлеб жизни, насыть меня, алчущего; Иисусе, источник разума, напои меня, жаждущего. Иисусе, одежда веселия, одень меня, тленного; Иисусе, покров радости, покрой меня, недостойного. Иисусе, податель просящим, дай мне плач о грехах моих; Иисусе, обретение ищущих, обрети душу мою. Иисусе, отворяющий стучащимся, открой сердце мое окаянное; Иисусе, искупитель грешных, очисти беззакония мои. Иисусе, Сын Божий, помилуй меня. Кондак 7 Хотя́ сокрове́нную та́йну от ве́ка откры́ти, я́ко овча́ на заколе́ние веде́н был еси́, Иису́се, и я́ко а́гнец пря́мо стригу́щаго его́ безгла́сен, и я́ко Бог из ме́ртвых воскре́сл еси́, и со сла́вою на небеса́ возне́слся еси́, и нас совоздви́гл еси́, зову́щих: Аллилу́иа. Апостол Филипп и эфиопский евнух (Деян.-40). Желая сокрытую от века тайну открыть, как овца на заклание, Ты веден был, Иисусе, и, как агнец пред стригущим его, был безгласен, и как Бог из мертвых воскрес Ты, и со славою на небеса вознесся, и нас поднял с Собою, восклицающих: Аллилуия! Икос 7 Ди́вную показа́ тварь, явле́йся Творе́ц нам: без се́мене от Де́вы воплоти́ся, из гро́ба, печа́ти не руши́в, воскре́се, и ко апо́столом, две́рем затворе́нным, с пло́тию вни́де. Те́мже чудя́щеся, воспои́м: Иису́се, Сло́ве необыме́нный; Иису́се, Сло́ве несогляда́емый. Иису́се, си́ло непостижи́мая; Иису́се, му́дросте недомы́слимая. Иису́се, Божество́ неопи́санное; Иису́се, госпо́дство неисче́тное. Иису́се, ца́рство непобеди́мое; Иису́се, влады́чество безконе́чное. Иису́се, кре́посте высоча́йшая; Иису́се, вла́сте ве́чная. Иису́се, Тво́рче мой, уще́дри мя; Иису́се, Спа́се мой, спаси́ мя. Иису́се, Сы́не Бо́жий, поми́луй мя. См. (Мф.), (Ин.-20). Дивное действие показал Творец, явившийся нам: Он без семени от Девы воплотился, из гроба, печати не нарушив, воскрес и к Апостолам, при запертых дверях, вошел во плоти. Потому в изумлении воспоем: Иисусе, Слово разумом непостижимое; Иисусе, Слово, необозримое. Иисусе, сила непостижимая; Иисусе, мудрость непознаваемая. Иисусе, Божество неизобразимое; Иисусе, господство неисчислимое. Иисусе, царство непобедимое; Иисусе, владычество бесконечное. Иисусе, могущество высочайшее; Иисусе, власть вечная. Иисусе, Творец мой, сжалься надо мной; Иисусе, Спаситель мой, спаси меня. Иисусе, Сын Божий, помилуй меня. Кондак 8 Стра́нно Бо́га вочелове́чшася ви́дяще, устрани́мся су́етнаго ми́ра и ум на Боже́ственная возложи́м. Сего́ бо ра́ди Бог на зе́млю сни́де, да нас на небеса́ возведе́т, вопию́щих Ему́: Аллилу́иа. См. (Откр.19:6). Дивно сделавшегося человеком Бога видя, удалимся от суетного мира и ум к божественному направим. Ибо для того Бог и сошел на землю, чтобы нас на небеса возвести, восклицающих Ему: Аллилуия! Икос 8 Весь бе в ни́жних, и вы́шних ника́коже отступи́ Неисче́тный, егда́ во́лею нас ра́ди пострада́, и сме́ртию Свое́ю на́шу смерть умертви́, и воскресе́нием живо́т дарова́ пою́щим: Иису́се, сла́досте серде́чная; Иису́се, кре́посте теле́сная. Иису́се, све́тлосте душе́вная; Иису́се, быстрото́ у́мная. Иису́се, ра́досте со́вестная; Иису́се, наде́ждо изве́стная. Иису́се, па́мяте предве́чная; Иису́се, похвало́ высо́кая. Иису́се, сла́во моя́ превознесе́нная; Иису́се, жела́ние мое́, не отри́ни мене́. Иису́се, Па́стырю мой, взыщи́ мене́; Иису́се, Спа́се мой, спаси́ мене́. Иису́се, Сы́не Бо́жий, поми́луй мя. См. (Рим.). Весь был на земле, не оставляя Небес, числом неизмеримый, когда добровольно за нас пострадал, и смертию Своею нашу смерть умертвил, и воскресением жизнь даровал поющим: Иисусе, сладость сердечная; Иисусе, крепость телесная. Иисусе, светлость душевная; Иисусе, острота разума. Иисусе, радость совести; Иисусе, надежда верная. Иисусе, память предвечная; Иисусе, похвала высокая. Иисусе, слава моя превознесенная; Иисусе, желание мое, не отринь меня. Иисусе, Пастырь мой, взыщи меня; Иисусе, Спаситель мой, спаси меня. Иисусе, Сын Божий, помилуй меня. Кондак 9 Все естество́ а́нгельское безпреста́ни сла́вит пресвято́е и́мя Твое́, Иису́се, на небеси́: Свят, Свят, Свят, вопию́ще; мы же, гре́шнии на земли́ бре́нными устна́ми вопие́м: Аллилу́иа. См. (Ис.6:3), (Откр.4:8). Весь мир Ангельский непрестанно славит пресвятое имя Твое, Иисусе, на небесах «Свят, Свят, Свят!» восклицая; мы же, грешные, на земле бренными устами восклицаем: Аллилуия! Икос 9 Вети́я многовеща́нныя я́коже ры́бы безгла́сныя ви́дим о Тебе́, Иису́се, Спа́се наш: недоуме́ют бо глаго́лати, ка́ко Бог непрело́жный и челове́к соверше́нный пребыва́еши? Мы же та́инству дивя́щеся, вопие́м ве́рно: Иису́се, Бо́же предве́чный; Иису́се, Царю́ ца́рствующих. Иису́се, Влады́ко владе́ющих; Иису́се, Судие́ живы́х и ме́ртвых. Иису́се, наде́ждо ненаде́жных; Иису́се, утеше́ние пла́чущих. Иису́се, сла́во ни́щих; Иису́се, не осуди́ мя по дело́м мои́м. Иису́се, очи́сти мя по ми́лости Твое́й; Иису́се, отжени́ от мене́ уны́ние. Иису́се, просвети́ моя́ мы́сли серде́чныя; Иису́се, даждь ми па́мять с

Хор Почаевской Лавры Утверди́, Бо́же, святу́ю правосла́вную ве́ру, правосла́вных христиа́н во век, и в век ве́ка! *** Это краткое песнопение исполняется в конце вседневной и великой (кроме совершаемой в составе бдения) вечерни, а также в конце утрени (на любой утрени, кроме великопостной); во всех случаях пению «Утверди Боже…» предшествует возглас пресвитера «Сый благословен Христос Бог наш…». Полный текст этого прошения находится только в Типиконе (7-я глава) и в Служебнике (в других богослужебных книгах отсутствует). На великопостной утрени вместо пения «Утверди, Боже…» читается другой текст, имеющий аналогичное содержание — «Небесный Царю, веру утверди…». В современной практике «Утверди Боже…» чаще всего поется «поскору» («читком); однако в праздничные дни и на торжественных богослужениях (например, на архиерейских службах) существует практика пения этого молебствия с участием солиста, которым может быть как диакон или протодиакон (предпочтительнее), так и певец из хора. Важно, что это короткое молебное прошение претерпело существенные изменения после революции 1917 года: до этого времени основу этого песнопения составляло поминовение императора, а текст выглядел так: «Утверди Боже, Благочестивейшаго, Самодержавнейшаго, великаго Государя нашего Императора Николая Александровича и святую православную веру, православных христиан во век века». После же 1917 года упоминание императора и все связанные с ним эпитеты были удалены, а текст песнопения приобрел современную краткую форму. Исторически это молебствие об императоре возникло в Константинополе и упоминается уже в почти всех источниках, начиная с X – XI вв. Правда, там оно имело несколько иной вид: «Утверди Боже царей наших, ей, Господи, на многая лета сохрани святое царство их». В современном греческом богослужении так же (как и в славянском) нет упоминания монарха, но текст песнопения чуть обширнее и имеет следующий вид: Στερεώσαι, Κύριος ὁ Θεός, τὴν ἁγίαν ἀμώμητον πίστιν τῶν εὐσεβῶν καὶ ὀρθοδόξων Χριστιανῶν, σὺν τῇ ἁγίᾳ αὐτοῦ Ἐκκλησίᾳ καὶ τῇ πόλει (ἢ τῇ μονῇ, ἢ χώρᾳ, ἢ τῇ νήσῳ) ταύτῃ εἰς αἰῶνας αἰώνων. Ἀμήν. = «Да утвердит Господь Бог святую непорочную веру благочестивых и православных христиан, вместе со Святой Его Церковью и градом (или монастырем, или селением, или островом) сим во век веков. Аминь».

В терпении добрострадальных подвиг твоих/ многообразныя раны претерпел еси,/ и по кончине своей/ венец от Бога с мученическими лики восприемлеши,/ и в земли кротких достойно водворяешися, блаженне,/ о нас Христа Бога моли/ даровати душам нашим велию милость.

Правило веры, и образ кротости,/ и воздержания известный учитель Христову стаду воистину был еси,/ уча е выну смирению,/ не мудрствовати еже высокая,/ сего ради стяжал, яже желаше,/ отче святителю Феофиле,/ моли Христа Бога спастися душам нашим.

Удобрение Христовых страстотерпец/ и очи Христовы Церкве,/ очи просветите душ наших,/ Сергие многострадальне и Вакше преславне:/ молитеся ко Господу,/ яко да убежим тьмы греховныя/ и Света явимся общницы невечерняго// молитвами вашими, святии.

Скоропослушную помощницу, вси, сущии в бедах,/ благочестно воспоем, Анну святую,/ днесь любовию сошедшеся во обретение честных мощей ея./ Воспоем песнь Единому в Троице Богу, радующеся,/ сподобльшему нас видети пречистое сокровище честных мощей ея:/ от мног бо лет сокровены быта,/ напоследок же нам явлены/ и источают многа и различна исцеления./ Яко да молитвами ея к Богу/ от всяких находящих зол избавимся,/ радостною душею и веселием сердца благодарная воспоем, глаголюще:/ радуйся, утверждение граду нашему.

Моисей вторый России явился еси, отче,/ пренесый мысленный виноград от египетскаго идолослужения/ в землю пророчествием предувидену./ Будет, рече, утверждение веры на земли,/ и на версех гор Киевских превознесется паче Ливана/ плод питающ мира всего./ От негоже вкусивше,/ ублажаем тя, Михаиле, Божий иерарше.

Пречистому Твоему образу покланяемся, Благий,/ просяще прощения прегрешений наших, Христе Боже:/ волею бо благоволил еси плотию взыти на Крест,/ да избавиши яже создал еси от работы вражия./ Тем благодарственно вопием Ти:/ радости исполнил еси вся, Спасе наш,// пришедый спасти мир.

Апостолов преемниче,/ святителей украшение,/ Православный Церкве учителю,/ Владьще всех молися/ мир вселенней даровати/ и душам нашим велию милость.

Монашескаго жития украшение и мучеников красоту явил себе житием твоим, Афанасие, и яко солнце пресветлое людям православным возсиял еси. Темже и Христос даром чудес обогати тя; да чтуще пресветлую память твою, зовем ти: поминай стадо твое молитвами твоими, преподобне.

Чистотою душевною Божественныя благодати дары стяжав,/ блаженную жизнь совершил еси,/ и путь ко спасению всем указал еси,/ и богомудрый начальник монахов явился еси./ Темже имея дерзновение ко Святей Троице,/ поминай нас, чтущих память твою, да зовем ти:/ радуйся, преподобне Иринарше, монашествующих похвало.

Православия насадив учения,/ злославия терния изсекл еси,/ умножив семя веры одождением Духа, преподобне,// темже тя поем, Афанасие.

Земли Тульския прозябение, / града Москвы ангелоподобная воительнице / блаженная старице Матроно. / От рождения в слепоте телесней до конца своих дней пребывшая. / Но от Бога щедро духовное зрение приявшая, / прозорливице и молитвеннице. / Наипаче дар исцеления болезней стяжавшая. / Помогай всем с верою к тебе притекающим и просящим в болезнех душевных и телесных, / радосте наша.

Яко светильник всесветел,/ явился еси во острове Селигера езера,/ преподобне отче Ниле,/ ты бо, крест Христов от юности своея на рамо взем,/ усердно Тому последовал еси,/ чистотою Богови приближився,/ отонудуже и чудес дарованием обогатился еси./ Тем и мы, притекающе к раце мощей твоих, умильно глаголем:/ отче преподобне,/ моли Христа Бога// спастися душам нашим.

Богатство твое расточил еси убогим/и Небесное богатство ныне восприял еси, Филарете всеблаженне,/ сего ради тя почитаем, совершающе память твою, добродетели о тезоимените.

Тропaрь Богородице, глас 4-й К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны́ милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи́, Тя́ бо и еди́ну наде́жду и́мамы. (Дважды) Перевод: К Богородице ныне усердно прибегнем мы, грешные и смиренные, и к Ней припадем, в покаянии взывая из глубины души: «Владычица, помоги, над нами сжалившись, поспеши, мы погибаем от множества согрешений! Не отпусти Твоих рабов ни с чем: ибо в Тебе имеем мы единственную надежду!» Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь. Слава Отцу, и Сыну, и Святому Духу, и ныне, и всегда, и во веки веков, аминь. Богородичен Не умолчи́м никогда́, Богоро́дице, си́лы Твоя́ глаго́лати, недосто́йнии: а́ще бо Ты́ не бы предстоя́ла моля́щи, кто́ бы на́с избaвил от толи́ких бе́д, кто́ же бы сохрани́л до ны́не свобо́дны? Не отсту́пим, Влады́чице, от Тебе́: Твоя́ бо рабы́ спаса́еши при́сно от вся́ких лю́тых. Не прекратим никогда, мы, недостойные, возвещать о могуществе Твоем, Богородица, ибо если бы Ты не защищала нас Своими молитвами, кто бы нас избавил от стольких бед, кто бы сохранил нас доныне свободными? Не отступим, Владычица, от Тебя, ибо Ты всегда спасаешь рабов Твоих от всяких бедствий. Псалом 50 Поми́луй мя́, Бо́же, по вели́цей ми́лости Твое́й, и по мно́жеству щедро́т Твои́х очи́сти беззако́ние мое́. Наипа́че омы́й мя́ от беззако́ния моего́, и от греха́ моего́ очи́сти мя́; я́ко беззако́ние мое́ а́з зна́ю, и гре́х мо́й предо мно́ю е́сть вы́ну. Тебе́ еди́ному согреши́х и лука́вое пред Тобо́ю сотвори́х; я́ко да оправди́шися во словесе́х Твои́х, и победи́ши внегда́ суди́ти Ти́. Се́ бо, в беззако́ниих зача́т е́смь, и во гресе́х роди́ мя́ ма́ти моя́. Се́ бо, и́стину возлюби́л еси́; безве́стная и та́йная прему́дрости Твоея́ яви́л ми́ еси́. Окропи́ши мя́ иссо́пом, и очи́щуся; омы́еши мя́, и па́че сне́га убелю́ся. Слу́ху моему́ да́си ра́дость и весе́лие; возра́дуются ко́сти смире́нныя. Отврати́ лице́ Твое́ от гре́х мои́х и вся́ беззако́ния моя́ очи́сти. Се́рдце чи́сто сози́жди во мне́, Бо́же, и ду́х пра́в обнови́ во утро́бе мое́й. Не отве́ржи мене́ от лица́ Твоего́ и Ду́ха Твоего́ Свята́го не отыми́ от мене́. Возда́ждь ми́ ра́дость спасе́ния Твоего́ и Ду́хом Влады́чним утверди́ мя́. Научу́ беззако́нныя путе́м Твои́м, и нечести́вии к Тебе́ обратя́тся. Изба́ви мя́ от крове́й, Бо́же, Бо́же спасе́ния моего́; возра́дуется язы́к мо́й пра́вде Твое́й. Го́споди, устне́ мои́ отве́рзеши, и уста́ моя́ возвестя́т хвалу́ Твою́. Я́ко а́ще бы восхоте́л еси́ же́ртвы, да́л бы́х у́бо: всесожже́ния не благоволи́ши. Же́ртва Бо́гу ду́х сокруше́н; се́рдце сокруше́нно и смире́нно Бо́г не уничижи́т. Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая; тогда́ возложа́т на олта́рь Тво́й тельцы́. Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов. Канон. Творение Феостирикта монаха. Глас 8-й1 Пе́снь 1 Ирмо́с: Во́ду проше́д я́ко су́шу, и еги́петскаго зла́ избежа́в, изра́ильтянин вопия́ше: Изба́вителю и Бо́гу на́шему пои́м. По воде пройдя, как по суше, и египетского развращения избежав, израильтянин взывал: «Избавителю и Богу нашему воспоем!» Припе́в: Пресвята́я Богоро́дице, спаси́ на́с. Мно́гими содержи́мь напа́стьми, к Тебе́ прибега́ю, спасе́ния иски́й: о Ма́ти Сло́ва и Де́во, от тя́жких и лю́тых мя́ спаси́. Множеством искушений томимый, к Тебе прибегаю, спасения ища. О Матерь Слова и Дева, от бед и несчастий меня спаси! Пресвята́я Богоро́дице, спаси́ на́с. Страсте́й мя́ смуща́ют прило́зи, мно́гаго уны́ния испо́лнити мою́ ду́шу; умири́, Отрокови́це, тишино́ю Сы́на и Бо́га Твоего́, Всенепоро́чная. Страстей нападения меня смущают, сильным унынием наполняя мою душу. Умиротвори ее, Отроковица, тишиною Сына Твоего и Бога, Всенепорочная. Сла́ва Отцу, и Сы́ну, и Свято́му Ду́ху. Спа́са ро́ждшую Тя́ и Бо́га, молю́, Де́во, изба́витися ми́ лю́тых; к Тебе́ бо ны́не прибега́я, простира́ю и ду́шу и помышле́ние. Слава Отцу, и Сыну, и Святому Духу. Тебя, родившую Спасителя и Бога, умоляю об избавлении меня от бедствий; ибо к Тебе, Дева, ныне прибегая, простираю и душу, и помышление. И ны́не, и при́сно, и во ве́ки веко́в, ами́нь. Неду́гующа те́лом и душе́ю, посеще́ния Боже́ственнаго и промышле́ния от Тебе́ сподо́би, еди́на Богома́ти, я́ко блага́я, Блага́го же Роди́тельница. И ныне, и всегда, и во веки веков, аминь. Меня, болящего телом и душою, удостой божественного посещения и попечения Твоего, единственная Богоматерь, как благая и Благого Родительница. Пе́снь 3 Ирмо́с: Небе́снаго кру́га Верхотво́рче Го́споди, и Це́ркве Зижди́телю, Ты́ мене́ утверди́ в любви́ Твое́й, жела́ний кра́ю, ве́рных утвержде́ние, еди́не Человеколю́бче. Небесного свода Создатель, Господи, и Церкви Строитель, Ты меня утверди в любви к Тебе, предел желаний, верных утверждение, единый Человеколюбец. Пресвята́я Богоро́дице, спаси́ на́с. Предста́тельство и покро́в жи́зни моея́ полага́ю Тя́, Богороди́тельнице Де́во: Ты́ мя́ окорми́ ко приста́нищу Твоему́, благи́х вино́вна, ве́рных Утвержде́ние, еди́на Всепе́тая. Защитою и покровом жизни моей считаю я Тебя, Божия Родительница, Дева. Ты меня направь, как кормчий, к пристани Твоей, Виновница благ, верных утверждение, одна всеми воспеваемая. Пресвята́я Богоро́дице, спаси́ на́с. Молю́, Де́во, душе́вное смуще́ние и печа́ли моея́ бу́рю разори́ти: Ты́ бо, Богоневе́стная, Нача́льника тишины́ Христа́ родила́ еси́, еди́на Пречи́стая. Умоляю, Дева, смятение души и бурю моего уныния рассеять, – Ты, ведь, Божия Невеста, родила Начальника тишины Христа, единая всечистая. Сла́ва Отцу, и Сы́ну, и Свято́му Ду́ху. Благоде́теля ро́ждши до́брых вино́внаго, благодея́ния бога́тство все́м источи́: вся́ бо мо́жеши, я́ко си́льнаго в кре́пости Христа́ ро́ждши, Богоблаже́нная. Благодетеля родившая, благ Виновника, благодеяния богатство всем источи, ибо Ты всё можешь, как мощного силою Христа родившая, в Боге блаженная. И ны́не, и при́сно, и во ве́ки веко́в, ами́нь. Лю́тыми неду́ги и боле́зненными страстьми́ истяза́ему, Де́во, Ты́ ми́ помози́: исцеле́ний бо неоску́дное Тя́ зна́ю Сокро́вище, Пренепоро́чная, неиждива́емое. Тяжкими недугами и болезненными страданиями испытуемому, Ты, Дева, мне помоги, ибо знаю я Тебя, Всенепорочная, как исцелений сокровищницу неистощимую, неоскудевающую. Спаси́ от бед рабы́ Твоя́, Богоро́дице, я́ко вси по Бо́зе к Тебе́ прибега́ем, я́ко неруши́мей стене́ и предста́тельству. Спаси от бед рабов Твоих, Богородица, ибо все мы после Бога к Тебе прибегаем, как к нерушимой Стене и Заступнице. При́зри благосе́рдием, всепе́тая Богоро́дице, на мое́ лю́тое телесе́ озлобле́ние, и исцели́ души́ моея́ боле́знь. Воззри благосклонно, Всехвальная Богородица, на тяжкое тела моего страдание и исцели души моей скорбь. Тропа́рь, гла́с 2-й Моле́ние те́плое, и стена́ необори́мая, ми́лости исто́чниче, ми́рови прибе́жище, приле́жно вопие́м Ти́: Богоро́дице Влады́чице, предвари́, и от бе́д изба́ви на́с, еди́на вско́ре предста́тельствующая. Горячее Ходатайство и Стена неприступная, милости Источник, миру Прибежище! Мы усердно взываем к Тебе: «Богородица Владычица, поспеши и от бед избавь нас, единственная скорая Заступница!» Пе́снь 4 Ирмо́с: Услы́шах, Го́споди, смотре́ния Твоего́ та́инство, разуме́х дела́ Твоя́, и просла́вих Твое́ Божество́. Услышал я, Господи, о таинстве Твоего промысла, уразумел дела Твои, и прославил Твоё Божество. Пресвята́я Богоро́дице, спаси́ на́с. Страсте́й мои́х смуще́ние, Ко́рмчию ро́ждшая Го́спода, и бу́рю утиши́ мои́х прегреше́ний, Богоневе́стная. Успокой страстей моих волнение, Кормчего – Господа родившая, и бурю моих согрешений, Божия Невеста. Пресвята́я Богоро́дице, спаси́ на́с. Милосе́рдия Твоего́ бе́здну призыва́ющу пода́ждь ми́, Я́же Благосе́рдаго ро́ждшая, и Спа́са все́х пою́щих Тя́. Милосердия Твоего подай бездну мне, о помощи взывающему, Милосердного Родившая и Спасителя всех, воспевающих Тебя. Пресвята́я Богоро́дице, спаси́ на́с. Наслажда́ющеся, Пречи́стая, Твои́х дарова́ний, благода́рственное воспева́ем пе́ние, ве́дуще Тя́ Богома́терь. Наслаждаясь, Всечистая, Твоими дарами, мы воспеваем благодарственную песнь, зная Тебя, Богоматерь. Сла́ва Отцу, и Сы́ну, и Свято́му Ду́ху. На одре́ боле́зни моея́ и не́мощи низлежа́щу ми́, я́ко Боголюби́ва, помози́, Богоро́дице, еди́на Присноде́во. На одре болезни моей и немощи лежащему, помоги мне, Богородица, как любящая добро, единственная вечно девственная. И ны́не, и при́сно, и во ве́ки веко́в, ами́нь. Наде́жду и утвержде́ние, и спасе́ния сте́ну недви́жиму, иму́ще Тя́, Всепе́тая, неудо́бства вся́каго избавля́емся. Как надежду, и утверждение, и спасения стену непоколебимую, имея Тебя, всепрославленная, мы от всякого затруднения избавляемся. Пе́снь 5 Ирмо́с: Просвети́ на́с повеле́нии Твои́ми, Го́споди, и мы́шцею Твое́ю высо́кою Тво́й ми́р пода́ждь на́м, Человеколю́бче. Просвети нас повелениями Твоими, Господи, и рукою Твоею вознесенною Твой мир подай нам, Человеколюбец. Пресвята́я Богоро́дице, спаси́ на́с. Испо́лни, Чи́стая, весе́лия се́рдце мое́, Твою́ нетле́нную даю́щи ра́дость, весе́лия ро́ждшая Вино́внаго. Исполни, Чистая, весельем сердце моё, Твою неомраченную давая радость, родившая веселья Виновника. Пресвята́я Богоро́дице, спаси́ на́с. Изба́ви на́с от бе́д, Богоро́дице Чи́стая, ве́чное ро́ждши Избавле́ние, и Ми́р, вся́к у́м преиму́щий. Избавь нас от бед, Богородица чистая, родившая вечное избавление и мир, всякий ум превосходящий. Сла́ва Отцу, и Сы́ну, и Свято́му Ду́ху. Разреши́ мглу́ прегреше́ний мои́х, Богоневе́сто, просвеще́нием Твоея́ све́тлости, Све́т ро́ждшая Боже́ственный и преве́чный. Рассей согрешений моих мглу, Божия Невеста, светом Твоего сияния, Свет родившая божественный и предвечный. И ны́не, и при́сно, и во ве́ки веко́в, ами́нь. Исцели́, Чи́стая, души́ моея́ неможе́ние, посеще́ния Твоего́ сподо́бльшая, и здра́вие моли́твами Твои́ми пода́ждь ми́. Исцели, Чистая, души моей немощь, удостоив Твоего посещения, и здравие ходатайством Твоим подай мне. Пе́снь 6 Ирмо́с: Моли́тву пролию́ ко Го́споду, и Тому́ возвещу́ печа́ли моя́, я́ко зо́л душа́ моя́ испо́лнися, и живо́т мо́й а́ду прибли́жися, и молю́ся я́ко Ио́на: от тли́, Бо́же, возведи́ мя́. Я пролью молитву к Господу и Ему возвещу печали мои, ибо зол душа моя преисполнилась и жизнь моя ко аду приблизилась, и молюсь я, как Иона: «От погибели, Боже, изведи меня!» Пресвята́я Богоро́дице, спаси́ на́с. Сме́рти и тли́ я́ко спа́сл е́сть, Са́м Ся́ изда́в сме́рти, тле́нием и сме́ртию мое́ естество́ я́то бы́вшее, Де́во, моли́ Го́спода и Сы́на Твоего́, враго́в злоде́йствия мя́ изба́вити. Того, Кто спас от смерти и тления, Самого Себя предав на смерть, естество моё, смертью и тлением объятое, – Господа и Сына Твоего, – Дева, умоли от злодейства врагов меня избавить. Пресвята́я Богоро́дице, спаси́ на́с. Предста́тельницу Тя́ живота́ ве́м, и Храни́тельницу тве́рду, Де́во, и напа́стей реша́щу молвы́, и нало́ги бесо́в отгоня́ющу; и молю́ся всегда́, от тли́ страсте́й мои́х изба́вити мя́. Как Защитницу жизни я знаю Тебя, и охрану вернейшую, Дева, и рассеивающую искушений множество, и злобу демонов прогоняющую, и молю Тебя всегда от пагубных страстей моих избавить меня. Сла́ва Отцу, и Сы́ну, и Свято́му Ду́ху. Я́ко сте́ну прибе́жища стяжа́хом, и ду́ш всесоверше́нное спасе́ние, и простра́нство в ско́рбех, Отрокови́це, и просвеще́нием Твои́м при́сно ра́дуемся: о Влады́чице, и ны́не на́с от страсте́й и бе́д спаси́. Мы Тебя как стену убежища имеем, и душ всецелое спасение, и простор в скорбях, Отроковица, и во свете Твоём ликуем всегда. И ныне нас, о Владычица, от страстей и бед спаси. И ны́не, и при́сно, и во ве́ки веко́в, ами́нь. На одре́ ны́не немощству́яй лежу́, и не́сть исцеле́ния пло́ти мое́й; но Бо́га и Спа́са ми́ру, и Изба́вителя неду́гов ро́ждшая, Тебе́ молю́ся Благо́й: от тли́ неду́г возста́ви мя́. На одре ныне в немощи лежу, и нет исцеления плоти моей; но Бога, и Спасителя мира, и Избавителя от недугов родившая, Тебя, благую, молю: от гибельных болезней (меня) воздвигни! Конда́к, гла́с 6-й Предста́тельство христиа́н непосты́дное, Хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь на́с, ве́рно зову́щих Ти́: ускори́ на моли́тву, и потщи́ся на умоле́ние, предста́тельствующи при́сно, Богоро́дице, чту́щих Тя́. Защита христиан надежная, Ходатайство ко Творцу неизменное! Молитвенных голосов грешников не презри, но скоро приди, как Благая, на помощь нам, с верою взывающим Тебе: «Поспеши с заступлением и ускорь моление, Богородица, всегда защищая чтущих Тебя!» Другой кондак (глас тот же) Не и́мамы ины́я по́мощи, не и́мамы ины́я надежды, разве Тебе, Пречистая Дево. Ты нам помози́, на Тебе́ наде́емся, и Тобою хва́лимся, Твои́ бо есмы́ раби́, да не постыди́мся. Не имеем иной помощи, не имеем иной надежды, кроме Тебя, Пречистая Дева, Ты нам помоги, на Тебя надеемся и Тобою хвалимся, ибо мы – Твои рабы; да не постыдимся! Стихира (глас тот же) Не вве́ри мя человеческому предстательству, Пресвята́я Влады́чице, но приими́ моле́ние раба́ Твоего; скорбь бо обдержи́т мя. Терпе́ти не могу́ де́монскаго стреля́ния, покро́ва не и́мам, ниже́ где прибе́гну окая́нный, всегда побежда́емь, и утеше́ния не и́мам, разве Тебе, Влады́чице мира, упова́ние и предста́тельство ве́рных, не пре́зри моле́ние мое́, поле́зно сотвори́. Не вверяй меня человеческому заступлению, Пресвятая Владычица, но прими моление раба Твоего: ибо скорбь объяла меня, не могу выносить стрел, демонами пущенных; защиты нет у меня и некуда прибегнуть мне несчастному, со всех сторон боримому и не имеющему утешения, кроме Тебя, Владычица мира, надежда и Заступница верных, не презри моления моего, полезное мне сотвори! Пе́снь 7 Ирмо́с: От Иуде́и доше́дше о́троцы, в Вавило́не иногда́, ве́рою Тро́ическою пла́мень пе́щный попра́ша, пою́ще: отце́в Бо́же, благослове́н еси́. Из Иудеи пришедшие юноши в Вавилоне некогда верою в Троицу попрали пламя печи, воспевая: «Боже отцов наших, благословен Ты!» Пресвята́я Богоро́дице, спаси́ на́с. На́ше спасе́ние я́коже восхоте́л еси́, Спа́се, устро́ити, во утро́бу Де́выя всели́лся еси́, Ю́же ми́ру Предста́тельницу показа́л еси́: оте́ц на́ших Бо́же, благослове́н еси́. Наше спасение восхотев устроить, Ты, Спаситель, вселился во чрево Девы, Которую Защитницей мира явил. Боже отцов наших, благословен Ты! Пресвята́я Богоро́дице, спаси́ на́с. Воли́теля ми́лости, Его́же родила́ еси́, Ма́ти Чи́стая, умоли́ изба́витися от прегреше́ний и душе́вных скве́рн ве́рою зову́щим: оте́ц на́ших Бо́же, благослове́н еси́. Любящего милосердие, рожденного Тобою, Матерь чистая, умоли, да избавимся от согрешений и душевных скверн мы, с верою взывающие: «Боже отцов наших, благословен Ты!» Сла́ва Отцу, и Сы́ну, и Свято́му Ду́ху. Сокро́вище спасе́ния и исто́чник нетле́ния, Тя́ ро́ждшую, и сто́лп утвержде́ния, и две́рь покая́ния, зову́щим показа́л еси́: оте́ц на́ших Бо́же, благослове́н еси́. Сокровищницей спасения и источником бессмертия явил Ты Тебя Родившую, и твердыней безопасной, и дверью покаяния для взывающих: «Боже отцов наших, благословен Ты!» И ны́не, и при́сно, и во ве́ки веко́в, ами́нь. Теле́сныя сла́бости и душе́вныя неду́ги, Богороди́тельнице, любо́вию приступа́ющих к кро́ву Твоему́, Де́во, исцели́ти сподо́би, Спа́са Христа́ на́м ро́ждшая. Телесные немощи и душевные недуги, Божия Родительница, с любовью приходящих к покрову Твоему божественному, исцелить благоволи, Спасителя Христа нам родившая. Пе́снь 8 Ирмо́с: Царя́ Небе́снаго, Его́же пою́т во́и а́нгельстии, хвали́те и превозноси́те во вся́ ве́ки. Царя небесного, Которого воспевают воинства Ангелов, воспевайте и превозносите во все века. Пресвята́я Богоро́дице, спаси́ на́с. По́мощи я́же от Тебе́ тре́бующия не пре́зри, Де́во, пою́щия и превознося́щия Тя́ во ве́ки. Помощи у Тебя просящих не презри, Дева-Отроковица, поющих и превозносящих Тебя вовеки. Пресвята́я Богоро́дице, спаси́ на́с. Неможе́ние души́ моея́ исцеля́еши, и теле́сныя боле́зни, Де́во, да Тя́ просла́влю, Чи́стая, во ве́ки. Немощи души моей Ты врачуешь, и телесные страдания, Дева, чтобы я прославлял Тебя, благодатную, (вовеки). Сла́ва Отцу, и Сы́ну, и Свято́му Ду́ху. Исцеле́ний бога́тство излива́еши ве́рно пою́щим Тя́, Де́во, и превознося́щим неизрече́нное Твое́ Рождество́. Исцеления Ты обильно изливаешь с верою воспевающим Тебя, Дева, и превозносящим непостижимое рождение Тобою Христа. И ны́не, и при́сно, и во ве́ки веко́в, ами́нь. Напа́стей Ты́ прило́ги отгоня́еши, и страсте́й нахо́ды, Де́во: те́мже Тя́ пое́м во вся́ ве́ки. Искушений приступы Ты отражаешь и страстей нападения, Дева, потому мы воспеваем Тебя во все века. Пе́снь 9 Ирмо́с: Вои́стину Богоро́дицу Тя́ испове́дуем, спасе́ннии Тобо́ю, Де́во Чи́стая, с безпло́тными ли́ки Тя́ велича́юще. Истинно Богородицей Тебя исповедуем мы, спасенные Тобою, Дева чистая, с сонмами бесплотных Тебя величая. Пресвята́я Богоро́дице, спаси́ на́с. То́ка сле́з мои́х не отврати́ся, Я́же от вся́каго лица́ вся́ку сле́зу отъе́мшаго, Де́во, Христа́ ро́ждшая. Слез моих потока не отвергни, Дева, родившая Христа, со всякого лица всякую слезу отершего. Пресвята́я Богоро́дице, спаси́ на́с. Ра́дости мое́ се́рдце испо́лни, Де́во, Я́же ра́дости прие́мшая исполне́ние, грехо́вную печа́ль потребля́ющи. Радостью моё сердце исполни, Дева, радости полноту принявшая, печаль же греха истребившая. Пресвята́я Богоро́дице, спаси́ на́с. Приста́нище и предста́тельство к Тебе́ прибега́ющих бу́ди, Де́во, и стена́ неруши́мая, прибе́жище же и покро́в и весе́лие. Пристанищем и защитой соделайся, к Тебе прибегающим, Дева, и стеною непоколебимой, и убежищем, и покровом, и радостью. Сла́ва Отцу, и Сы́ну, и Свято́му Ду́ху. Све́та Твоего́ заря́ми просвети́, Де́во, мра́к неве́дения отгоня́ющи, благове́рно Богоро́дицу Тя́ испове́дающих. Света Твоего лучами озари, Дева, мрак неведения прогоняя, благоговейно Богородицей Тебя исповедующих. И ны́не, и при́сно, и во ве́ки веко́в, ами́нь. На ме́сте озлобле́ния не́мощи смири́вшагося, Де́во, исцели́, из нездра́вия во здра́вие претворя́ющи. На месте страдания от болезни смирившегося, Дева, исцели, из немощи во здравие претворяя. Стихиры, глас 2-й Высшую небес и чистшую светлостей солнечных, избaвльшую нас от клятвы, Владычицу мира песньми почтим. Высочайшую небес и чистейшую сияний солнечных, избавившую нас от проклятия Владычицу мира песнопениями почтим. От многих моих грехов немощствует тело, немощствует и душа моя; к Тебе прибегaю, Благодaтней, надеждо ненадежных, Ты ми помози. От многих грехов в немощи мое тело немощна и душа моя. К Тебе прибегаю, Благодатной: Надежда безнадежных, Ты мне помоги! Владычице и Мaти Избaвителя, приими моление недостойных раб Твоих, да ходaтайствуеши к Рождшемуся от Тебе; о, Владычице мира, буди Ходaтаица! Владычица и Матерь Искупителя! Прими прошения недостойных рабов Твоих о Твоем перед Рожденным от Тебя за нас ходатайстве. О Владычица мира, стань между нами Посредницей! Поем прилежно Тебе песнь ныне, всепетой Богородице, рaдостно: со Предтечею и всеми святыми моли, Богородице, еже ущедрити ны. Поем усердно ныне песнь Тебе, всехвальной Богородице, радостно: с Предтечей и всеми святыми моли, Богородица, о милости к нам. Вся Ангелов воинства, Предтече Господень, апостолов двоенадесятице, святии вси с Богородицею, сотворите молитву, во еже спастися нам. Все Ангелов воинства, Предтеча Господень, двенадцать Апостолов, святые все с Богородицею сотворите ходатайство о спасении нашем! Моли́тва ко Пресвято́й Богоро́дице Цари́це моя́ преблага́я, Наде́ждо моя́ Богоро́дице, Прия́телище си́рых, и стра́нных Предста́тельнице, скорбя́щих Ра́досте, оби́димых Покрови́тельнице! Зри́ши мою́ беду́, зри́ши мою́ ско́рбь, помози́ ми́ я́ко не́мощну, окорми́ мя́ я́ко стра́нна. Оби́ду мою́ ве́си, разреши́ ту́, я́ко во́лиши: я́ко не и́мам ины́я по́мощи ра́зве Тебе́, ни ины́я Предста́тельницы, ни благи́я Уте́шительницы, то́кмо Тебе́, о Богома́ти; я́ко да сохрани́ши мя́ и покры́еши во ве́ки веко́в. Ами́нь. Царица моя преблагая, Надежда моя, Богородица, приют сирот и странников защитница, скорбящих радость, обиженных покровительница! Видишь мою беду, видишь мою скорбь; помоги мне, как немощному, направь меня, как странника. Обиду мою знаешь: разреши ее по Своей воле. Ибо не имею я иной помощи, кроме Тебя, ни иной Защитницы, ни благой Утешительницы – только Тебя, о Богоматерь: да сохранишь меня и защитишь во веки веков. Аминь. Моли́тва ина́я ко Пресвято́й Богоро́дице К кому́ возопию́, Влады́чице? К кому́ прибе́гну в го́рести мое́й, а́ще не к Тебе́, Цари́це Небе́сная? Кто́ пла́ч мо́й и воздыха́ние мое́ прии́мет, а́ще не Ты́, Пренепоро́чная, Наде́ждо христиа́н и Прибе́жище на́м гре́шным? Кто́ па́че Тебе́ в напа́стех защити́т? Услы́ши у́бо стена́ние мое́, и приклони́ у́хо Твое́ ко мне́, Влады́чице Ма́ти Бо́га моего́, и не пре́зри мене́, тре́бующаго Твоея́ по́мощи, и не отри́ни мене́ гре́шнаго. Вразуми́ и научи́ мя́, Цари́це Небе́сная; не отступи́ от мене́, раба́ Твоего́, Влады́чице, за ропта́ние мое́, но бу́ди мне́ Ма́ти и Засту́пница. Вруча́ю себе́ ми́лостивому покро́ву Твоему́: приведи́ мя́ гре́шнаго к ти́хой и безмяте́жней жи́зни, да пла́чуся о гресе́х мои́х. К кому́ бо прибе́гну пови́нный а́з, а́ще не к Тебе́, упова́нию и прибе́жищу гре́шных, наде́ждою на неизрече́нную ми́лость Твою́ и щедро́ты Твоя́ окриля́емь? О Влады́чице Цари́це Небе́сная! Ты́ мне́ упова́ние и прибе́жище, покро́в и заступле́ние и по́мощь. Цари́це моя́ преблага́я и ско́рая Засту́пнице! Покры́й Твои́м хода́тайством моя́ прегреше́ния, защити́ мене́ от вра́г ви́димых и неви́димых, умягчи́ сердца́ злы́х челове́к, возстаю́щих на мя́. О Ма́ти Го́спода моего́ Творца́! Ты́ еси́ ко́рень де́вства и неувяда́емый цве́т чистоты́. О Богороди́тельнице! Ты́ пода́ждь ми́ по́мощь немощству́ющему плотски́ми страстьми́ и боле́знующему се́рдцем: еди́но бо Твое́ и с Тобо́ю Твоего́ Сы́на и Бо́га на́шего и́мам заступле́ние, и Твои́м пречу́дным заступле́нием да изба́влюся от вся́кия беды́ и напа́сти, о пренепоро́чная и пресла́вная Бо́жия Ма́ти Мари́е. Те́мже со упова́нием глаго́лю и вопию́: ра́дуйся, Благода́тная, ра́дуйся, Обра́дованная, ра́дуйся, Преблагослове́нная, Госпо́дь с Тобо́ю. К кому воззову, Владычица? К кому прибегну в горести моей, если не к Тебе, Царица небесная? Кто плач мой и воздыхание мое благосклонно примет, если не Ты, Пренепорочная, надежда христиан и прибежище нам, грешным? Кто лучше Тебя в напастях защитит? Услышь же стенание мое и приклони ухо Твое ко мне, Владычица, Матерь Бога моего; и не презри меня, нуждающегося в Твоей помощи, и не отринь меня, грешного. Вразуми и научи меня, Царица Небесная; не отступи от меня, раба Твоего, Владычица, за ропот мой, но будь мне Матерью и Заступницей. Вручаю себя милостивому покровительству Твоему: приведи меня, грешного, к тихой и безмятежной жизни, дабы я плакал о грехах моих. Ибо к кому прибегну я, виновный, если не к Тебе, упованию и прибежищу грешных, надеждой на неизреченную милость Твою и щедроты Твои окрыляясь? О Владычица, Царица Небесная! Ты мне упование и прибежище, покров и заступление, и помощь. Царица моя преблагая и скорая Заступница! Покрой Твоим ходатайством мои согрешения, защити меня от врагов видимых и невидимых; смягчи сердца злых людей, восстающих на меня. О Матерь Господа, моего Творца! Ты – корень девства и неувядаемый цвет чистоты. О Божия Родительница! Ты подай мне помощь, немощному от плотских страстей и болезнующему сердцем, ибо имею я одну Твою и с Тобою Сына Твоего защиту; и да избавлюсь я Твоим пречудным заступлением от всякой беды и напасти, о пренепорочная и преславная Божия Матерь Мария. Потому с надеждою возглашаю и взываю: «Радуйся, Благодатная! Радуйся обрадованная! Радуйся, преблагословенная, Господь с Тобою!» 1 Канонник или полный молитвослов.

Молитва Богу Псалом 64 Святой мученице Параскеве, нареченной Пятнице Пред иконой Божией Матери «Спорительница хлебов» Пред иконой Божией Матери «Покров Пресвятой Богородицы» Молитва Богу Всемогу́щий и ве́чный Бо́же, сотвори́вый из ничего́ ми́р, си́лою Свое́ю держа́щий его́ в простра́нстве и повеле́вый возделывати зе́млю для существова́ния ро́да челове́ческаго! Усе́рдно прибега́ем к милосе́рдию Твоему́: благослови́ ми́лостивым Твои́м о́ком все́ посеянные и насажденные на поля́х си́х и огородах (виноградниках) се́мена; да́руй спокойствие возду́ха и се́мена плодовитыми соде́лай, изба́вив и́х от заростания те́рнием и ди́кими травами, и да́й и́м в по́лную си́лу придти́ к назначенному вре́мени, что́бы мы́, рабы́ Твои́, насытившись Твои́х зрелых плодо́в, Тебе́ досто́йное прославле́ние могли́ приноси́ти всегда́, ны́не и при́сно и во ве́ки веко́в. Ами́нь. * * * Псалом 64 Тебе́ подоба́ет пе́снь, Бо́же, в Сио́не, и Тебе́ возда́стся моли́тва во Иерусали́ме. Услы́ши моли́тву мою́: к Тебе́ вся́ка пло́ть прии́дет. Словеса́ беззако́нник премого́ша на́с: и нече́стия на́ша Ты́ очи́стиши. Блаже́н, его́же избра́л еси́ и прия́л, всели́тся во дво́рех Твои́х. Испо́лнимся во благи́х до́му Твоего́: свя́т хра́м Тво́й. Ди́вен в пра́вде, услы́ши ны́, Бо́же, Спаси́телю на́ш, упова́ние все́х конце́й земли́ и су́щих в мо́ри дале́че: уготовля́яй го́ры кре́постию Свое́ю, препоя́сан си́лою: смуща́яй глубину́ морску́ю, шу́му во́лн его́ кто́ постои́т? смяту́тся язы́цы, и убоя́тся живу́щии в конца́х от зна́мений Твои́х: исхо́ды у́тра и ве́чера украси́ши. Посети́л еси́ зе́млю и упои́л еси́ ю́, умно́жил еси́ обогати́ти ю́: река́ Бо́жия напо́лнися во́д: угото́вал еси́ пи́щу и́м, я́ко та́ко [е́сть] угото́вание. Бразды́ ея́ упо́й, умно́жи жи́та ея́: в ка́плях ея́ возвесели́тся возсия́ющи {прозяба́ющи}. Благослови́ши вене́ц ле́та бла́гости Твоея́, и поля́ Твоя́ испо́лнятся ту́ка: разботе́ют кра́сная пусты́ни, и ра́достию хо́лми препоя́шутся. Оде́яшася о́вни о́вчии, и удо́лия умно́жат пшени́цу: воззову́т, и́бо воспою́т. Перевод:* Тебе, Боже, принадлежит хвала на Сионе, и Тебе воздастся обет [в Иерусалиме]. Ты слышишь молитву; к Тебе прибегает всякая плоть. Дела беззаконий превозмогают меня; Ты очистишь преступления наши. Блажен, кого Ты избрал и приблизил, чтобы он жил во дворах Твоих. Насытимся благами дома Твоего, святаго храма Твоего. Страшный в правосудии, услышь нас, Боже, Спаситель наш, упование всех концов земли и находящихся в море далеко, поставивший горы силою Своею, препоясанный могуществом, укрощающий шум морей, шум волн их и мятеж народов! И убоятся знамений Твоих живущие на пределах земли. Утро и вечер возбудишь к славе Твоей. Ты посещаешь землю и утоляешь жажду ее, обильно обогащаешь ее: поток Божий полон воды; Ты приготовляешь хлеб, ибо так устроил ее; напояешь борозды ее, уравниваешь глыбы ее, размягчаешь ее каплями дождя, благословляешь произрастания ее; венчаешь лето благости Твоей, и стези Твои источают тук, источают на пустынные пажити, и холмы препоясываются радостью; луга одеваются стадами, и долины покрываются хлебом, восклицают и поют. * * * Святой мученице Параскеве, нареченной Пятнице О, свята́я и преблаже́нная му́ченице Христо́ва Параске́во, красото́ деви́ческая, му́чеников похвало́, прему́дрых удивле́ние, ве́ры христиа́нской храни́тельнице, и́дольския льсти́ обличи́тельнице, Ева́нгелия Боже́ственнаго побо́рнице, за́поведей Госпо́дних ревни́тельнице, сподо́бльшаяся приити́ ко приста́нищу ве́чнаго поко́я и в черто́зе Жениха́ твоего́ Христа́ Бо́га све́тло веселя́щаяся, сугу́бым венце́м де́вства и му́ченичества украше́нная! Мо́лим тя́, свята́я му́ченице: бу́ди о на́с (имена́) печа́льница ко Христу́ Бо́гу, Его́же преблаже́ннейшим зре́нием при́сно весели́шися; разжени́ твои́ми святы́ми моли́твами мра́к, прибы́вший от грехо́в на́ших: испроси́ у Бо́га све́тов све́т благода́ти душе́вным и теле́сным очесе́м на́шим: просвети́ на́с, омраче́нных грехми́, све́том Бо́жия благода́ти, да твои́х ра́ди святы́х моли́тв да́стся безоче́сным сла́дкое зре́ние. О вели́кая уго́днице Бо́жия! О му́жественнейшая де́во! О кре́пкая му́ченице, свята́я Параске́во! Святы́ми твои́ми моли́твами бу́ди на́м гре́шным помо́щница, хода́тайствуй и моли́ся об окая́нных и зело́ неради́вых гре́шницех, ускори́ на по́мощь на́м, и́бо зело́ немощни́и есмы́; моли́ Го́спода, чи́стая деви́це, моли́ Милосе́рдаго, свята́я му́ченице, моли́ Жениха́ твоего́, непоро́чная Христо́ва неве́сто, да твои́ми моли́твами посо́бствовани, мра́ка же грехо́внаго избы́вше, во све́те и́стинныя ве́ры и дея́ний боже́ственных вни́дем в све́т ве́чный дне́ невече́рняго, во гра́д весе́лия при́снаго, в не́мже ты́ ны́не све́тло блиста́еши сла́вою и весе́лием безконе́чным, славосло́вящи и воспева́ющи со все́ми небе́сными си́лами трисия́тельное еди́ное Божество́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь. * * * Молитва пред иконой Божией Матери «Спорительница хлебов» О, Пресвята́я Де́во Богоро́дице, Преми́лостивая Влады́чице, Цари́це Небесе́ и земли́, вся́каго до́ма и семе́йства христиа́нскаго Благоустрои́тельнице, тружда́ющихся благослове́ние, нужда́ющихся неистощи́мое бога́тство, си́рых и вдови́ц и все́х люде́й Корми́тельнице! Пита́тельнице на́ша, ро́ждшая Пита́теля Вселе́нныя и Спори́тельнице хле́бов на́ших: Ты́, Влады́чице, ниспосыла́еши Твое́ Ма́тернее благослове́ние градо́м на́шим, села́м и ни́вам и коему́ждо до́му, на Тя́ упова́ние иму́щему. Те́мже с благогове́йным тре́петом и сокруше́нным се́рдцем смире́нно мо́лим Тя́: бу́ди и на́м, гре́шным и недосто́йным рабо́м Твои́м, му́драя Домострои́тельнице, житие́ на́ше до́бре устроя́ющая. Вся́кое же соо́бщество, вся́кий до́м и семе́йство во благоче́стии и правосла́вии, единомы́слии, послуша́нии и дово́льстве соблюди́. Ни́щия и неиму́щия пропита́й, ста́рость поддержи́, младе́нцы воспита́й, все́х вразуми́ преи́скренне взыва́ти ко Го́споду: «Хле́б на́ш насу́щный да́ждь на́м дне́сь». Сохрани́, Пречи́стая Ма́ти, лю́ди Твоя́ от вся́кия ну́жды, боле́зни, гла́да, губи́тельства, гра́да, огня́, от вся́каго зла́го обстоя́ния и Вся́каго нестрое́ния. Оби́тели на́шей (ве́си), дома́м и семе́йствам и вся́кой души́ христиа́нстей и все́й стране́ на́шей исхода́тайствуй ми́р и ве́лию ми́лость, да сла́вим Тя́, Преми́лостивую Пита́тельницу и Корми́тельницу на́шу, ны́не и при́сно, и во ве́ки веко́в. Ами́нь. * * * Молитва пред иконой Божией Матери «Покров Пресвятой Богородицы» О, Пресвята́я Де́во, Ма́ти Го́спода Вы́шних Си́л, Небесе́ и земли́ Цари́це, гра́да и страны́ на́шея всемо́щная Засту́пнице! Приими́ хвале́бно-благода́рственное пе́ние сие́ от на́с, недосто́йных ра́б Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты́ уми́лостивиши Его́ о на́с, Влады́чице, я́ко вся́ Тебе́ от Него́ возмо́жна су́ть. Сего́ ра́ди к Тебе́ прибега́ем, я́ко к несомне́нней и ско́рей Засту́пнице на́шей: услы́ши на́с, моля́щихся Тебе́, осени́ на́с вседержа́вным покро́вом Твои́м и испроси́ у Бо́га Сы́на Твоего́ па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим стра́х Бо́жий, скорбя́щим благоду́шие, ра́дующимся воздержа́ние: все́м же на́м ду́х ра́зума и благоче́стия, ду́х милосе́рдия и кро́тости, ду́х чистоты́ и пра́вды. Е́й, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на пу́ть пра́вый наста́ви, ста́рость поддержи́, ю́ныя уцелому́дри, младе́нцы воспита́й и при́зри на все́х на́с призре́нием ми́лостиваго Твоего́ заступле́ния; воздви́гни на́с из глубины́ грехо́вныя и просвети́ серде́чныя о́чи на́ша ко зре́нию спасе́ния; ми́лостива на́м бу́ди зде́ и та́мо, в стране́ земна́го прише́льствия и на Стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты́ бо еси́, Госпоже́, Сла́ва небе́сных и Упова́ние земны́х, Ты́ по Бо́зе на́ша Наде́ждо и Засту́пнице все́х притека́ющих к Тебе́ с ве́рою. К Тебе́ у́бо мо́лимся и Тебе́, я́ко Всемогу́щей Помо́щнице, са́ми себе́ и дру́г дру́га и ве́сь живо́т на́ш предае́м, ны́не и при́сно, и во ве́ки веко́в. Ами́нь. * Синодальный перевод.

Пресвята́я Богоро́дице Де́во, жи́ва су́щая и по сме́рти спаса́ющая при́сно насле́дие Твое́, услы́ши воздыха́ние души́ мое́й, призыва́ющей Тебя́ на по́мощь! Сни́ди с небесе́, прииди́ и косни́ся ума́ и се́рдца моего́, откро́й зре́ние души́ моея́, да узрю́ Тя, Госпоже́ моя́, и Сы́на Твоего́, Созда́теля, Христа́ и Бо́га моего́, и уразуме́ю, что есть во́ля Его́ и чего́ лиша́юся аз. Ей, Госпоже́ моя́, потщи́ся по́мощью Твое́ю и моли́ Сы́на Твоего́, да присе́тит мя благода́тию Свое́ю, да уза́ми любви́ Его́ прико́ванный у ног Его́ пребу́ду вове́ки, а́ще в ра́нах и боле́зни, а́ще неду́гующий и рассла́бленный те́лом, но у ног Его́. К Тебе́ взыва́ю, Го́споди Иису́се! Ты моя́ сла́дость, жизнь, здра́вие, ра́дость па́че ми́ра сего́ ра́дости, весь соста́в жи́зни моея́. Ты еси́ свет па́че вся́кого све́та. Ви́жу недви́жное от боле́зни те́ло мое́, чу́вствую расслабле́ние всех чле́нов мои́х, бо́ли в костя́х мои́х. Но, о све́те мой, как услажда́ют меня́ лучи́ све́та Твоего́, па́дающие на ра́ны мои́! Согре́тый теплото́ю их, забыва́ю все и у ног Твои́х слеза́ми мои́ми омыва́ю грехи́ мои́, возвыша́юся, светле́юся. Сие́ еди́но прошу́ у Тебя́, Иису́се мой, — не отврати́ лица́ Твоего́ от меня́, дай мне ве́чно у ног Твои́х ра́достно опла́кивать грехи́ мои́, и́бо при виде Тебя́, Го́споди, покая́ние и сле́зы для меня́ услади́тельнее ра́достей всего́ ми́ра. О, све́те, ра́дость моя́, сла́дость моя́, Иису́се! Не отри́ни же меня́ от ног Твои́х, Иису́се мой, но по моли́тве мое́й со мной при́сно бу́ди, да живя́ Тобо́ю, сла́влю Тя со Отце́м и Ду́хом вове́ки. Моли́твами Богоро́дицы и всех святы́х Твои́х услы́ши мя, Го́споди. Ами́нь.* Перевод: Пресвята́я Богоро́дица Де́ва, Ты жива и после смерти спасаешь всегда наследие Твоё, услы́шь воздыха́ние души́ мое́й, которая призыва́ет Тебя́ на по́мощь! Сни́ди с неба, приди и косни́сь ума́ и се́рдца моего́, откро́й зре́ние души́ моей, да увижу Тебя, о Госпожа моя́, и Сы́на Твоего́, Созда́теля, Христа́ и Бо́га моего́, и узнаю, какая есть во́ля Его́ и чего́ я лиша́юсь. О Госпожа моя́, поспеши с Твоей по́мощью и моли́ Сы́на Твоего́, да посе́тит меня благода́тью Свое́й, да уза́ми любви́ Его́ прико́ванный у ног Его́ останусь вове́ки, если и в ра́нах, и в боле́зни, если и больной и рассла́бленный, но у ног Его́. Я к Тебе́ взыва́ю, Го́сподь Иису́с! Ты — моя́ сла́дость, жизнь, здоровье, ра́дость, которая больше ра́дости этого ми́ра, Ты — весь соста́в жи́зни моей. Ты — свет, который больше вся́кого све́та. Ви́жу неподвижное от боле́зни те́ло моё, чу́вствую расслабле́ние всех чле́нов мои́х, бо́ли в костя́х мои́х. Но, о Све́т мой, как услажда́ют меня́ лучи́ све́та Твоего́, па́дающие на ра́ны мои́! Согре́тый теплото́й их, забыва́ю всё и у ног Твои́х слеза́ми мои́ми омыва́ю грехи́ мои́, возвыша́юсь, светлеюсь. Я одно прошу́ у Тебя́, Иису́се мой, — не отверни лицо Твоё от меня, дай мне ве́чно у ног Твои́х ра́достно опла́кивать грехи́ мои́, потому что при виде Тебя́, Го́споди, покая́ние и слёзы для меня́ услади́тельнее, чем ра́дости всего́ ми́ра. О, Све́т и ра́дость моя́, сла́дость моя́, Иису́с! Не отвергни меня́ от ног Твои́х, о Иису́с мой, но по моли́тве мое́й со мной всегда бу́дь, да живя́ с Тобо́й, сла́влю Тебя со Отцом и Ду́хом вове́ки. Моли́твами Богоро́дицы и всех святы́х Твои́х услы́шь меня, Го́споди. Ами́нь. * Редкие молитвы великих русских святых и подвижников благочестия. См. также: БОЛЕЗНЬ